No ano 2000 tivemos a inmensa fortuna de que o noso presidente coincidira na xunta directiva doutra entidade co presidente da "Asociación para a axuda á Xuventude Brigantium".

Esta entidade era propietaria dun amplo local detinado en principio a actividades dun grupo scout xa desaparecido.

Como o local estaba sen uso acabase cedendo o mesmo en precario a Palaestra. No 2003 procederon á venta daquel baixo a outra entidade sen ánimo de lucro e deronnos cartos para alugar un novo local e dende entón estamos nun antigo bar cercano ó vello local.

Infórmate no calendario cada mes para ver que actividades hai no local. En principio temos circuitos de xadrez, de xogos de naipes e de xogos de lóxica. Pero hai moito máis.

O local  está na mesma mazá que o anterior na rúa Alcalde Soto González, 1. Era un antigo bar que foi acondicionado para gardar o material e ser sé das nosas actividades.

Posto que o local tiña un espacio moi grande de entrada pensamos xa en colaborar con outras entidades. Dende o principio o fixemos ca Asociación Galega de Axedrecistas. Para o futuro estudiamos novas incorporacións.

Tamén temos unha páxina web do Brigantium, ainda que moi similar a esta xa que practicamente teñen os mesmos contidos pero expostos de distinto xeito.